الله يسامحك يا؟؟؟؟؟؟

الله يسامحك يامحبوبي الغالي
جرحتني في كلامك يانظر عيني

مدري تغلا علي تتعمد إهمالي
وإلا لعانه بنار الشوق تكويني

الله يعلم بحبك صابني إهبالي
من زود حبك عليك القلب يشقيني

كم ليلةٍ وأتخيل وجهك قبالي
وطيفك معي في منامي دوم ياتيني

وأفز من غفوتي وأجر موالي
وأهل دمعٍ جرى من فوق خديني

كنت أحسب أنك مع الأيام تصفالي
وأقول بكره مثل ما أغليك تغليني

تلعب بقلبي وتتسلا ولاتبالي
ولا تقدر هواى ولا تراعيني

أنا أحسب أني بقلبك بالهوى لحالي
تقول غيري كثيرٍ لك محبيني

ما أبغى حبيبي أكون بقلبك التالي
أبغى الأول بقلبك كان تبغيني

والحين أبي أبعد وتبقى عندنا غالي
وإن كان خليتني الله مايخليني

أنا كلّي ضحيّه للمحبّه وأنت كلك ذوق
لكنّك ما تخاف الله تغيب ولاتعلّمني

أظن أبسط حقوقي كان باقي لي عليك حقوق
مسج جوّال بعلومك لوّ أنّك ما تكلّمني